അബുദാബി:യുഎഇ ദേശീയ വിമാനക്കമ്പനികളായ എമിറേറ്റ്സ് എയർലൈൻസിന്റെയും , ഇത്തിഹാദ് എയർവേയ്സിന്റെയും നിർദേശം അനുസരിച്ച് ഇന്ത്യയിൽ കോവിഷീൽഡ് വാക്സിൻ സ്വീകരിച്ച യുഎഇ നിവാസികൾക്ക് ഇപ്പോൾ മടങ്ങിവരാനാകില്ല. .പാകിസ്ഥാനിലെയും ശ്രീലങ്കയിലെയും സിനോഫാം, ആസ്ട്രാസെനെക്ക, മോഡേണ, സ്പുട്നിക് വി, ഫൈസർ-ബയോഎൻടെക് വാക്സിനുകൾ ഉപയോഗിച്ച് കുത്തിവയ്പ് ചെയ്തവർക്കും ഇതേ വ്യവസ്ഥകൾ ബാധകമാണ്. യുഎഇയിലെ അനുദിന വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പിൽ അംഗമാകുക. https://chat.whatsapp.com/HMI5VYvXVx4CE6J16q9865
നേരത്തെ യുഎഇ അധികൃതർ വിമാനങ്ങൾ നിർത്തിവച്ച ആറ് രാജ്യങ്ങളിൽ നിന്നുള്ള യാത്രക്കാർക്ക് പുതിയ ഇളവുകൾ പ്രഖ്യാപിക്കുകയായിരുന്നു. ഇന്ത്യ, പാകിസ്ഥാൻ, ശ്രീലങ്ക, നേപ്പാൾ, ഉഗാണ്ട, നൈജീരിയ എന്നീ രാജ്യങ്ങൾക്കാണ് ഇളവുകൾ നൽകിയിരിക്കുന്നത്.എന്നാൽ നൈജീരിയയിലേക്കും തിരിച്ചും ഉള്ള വിമാനങ്ങളുടെ സസ്പെൻഷൻ ആഗസ്റ്റ് 15 വരെ നീട്ടിയതായും അധികൃതർ അറിയിച്ചു.
യുഎഇയിൽ പൂർണ്ണമായി വാക്സിനേഷൻ എടുത്തിട്ടുള്ളതും യുഎഇയിലെ ബന്ധപ്പെട്ട അധികാരികൾ നൽകിയ ഔദ്യോഗിക വാക്സിനേഷൻ സർട്ടിഫിക്കറ്റ് കൈവശമുള്ളതുമായ സാധുവായ യുഎഇ റസിഡൻസ് വിസയുള്ള യാത്രക്കാർക്ക് കൂടാതെ അനുമതിയുള്ളവർക്കുമാണ് യുഎഇയിലേക്ക് മടങ്ങാൻ അനുവാദമുള്ളൂവെന്ന് എമിറേറ്റ്സ് എയർലൈൻസ് പ്രതികരിച്ചു.
